المنتديات الفكرية والتعليمية

إيد على إيد نبنى فكر جديد


    أم الدنيا !!!!!!!!!!!!

    شاطر
    avatar
    سحر عبدالمنعم
    عضو نشيط

    انثى عدد الرسائل : 38
    عارضة الطاقة :
    50 / 10050 / 100

    تاريخ التسجيل : 03/11/2008

    أم الدنيا !!!!!!!!!!!!

    مُساهمة  سحر عبدالمنعم في 03/11/08, 03:15 pm

    بسم الله الرحمن الرحيم

    قال صلى الله عليه وسلم: "تركت فيكم ما إن تمسكتم به لن تضلوا بعدي أبدا، كتاب الله وسنتي، ولن يتفرقا حتى يردا على الحوض"صدقت يارسول الله
    وهل فيه ضلال أكتر من اللي أحنا فية
    عشان كده اسمحولي أعيد نشرها مرة أخرى

    أم الــدنــيــا
    أنا شابّ زييِ زيكْ ويمكن كمان أًقًل
    كل الفروق مابينا إني مًعايا قلم
    بحاول بيه أفكر وأدردش وأكتب هبل
    وبقافيه أو من غير بس مش حكتب ملل
    عايز بجد أصرُخ عشان حاسس أمل
    جايز يكون السر في أضعف خلقه أتعمل

    بقينا 2007 بس زي80
    جايز أشطح قوي يمكن أقل من 80
    أحوالنا هياها بس عددنا قرب 80
    والبنزين 90غِليي والدور على ال80
    والمجاميع زادت قوي بس تِسّوَى80
    وشبابنا سِنه صُغير والهَم خلاه 80

    وحال البلد من زفت لنيله
    إقتصادنا بينهار وديونا كبيره
    والناس ماشيه يادوب بالتيله
    وشغل مافيش والبطاله كتيره
    والعنوسه زادت والرذيله بديله
    وبين الوِحِشّ والحِلو حرف الشين وتشكيله

    أَحّزَابـنا دايره في ساقيه مش عارف بس ليه
    هدفها أيه بالضبط ...حد يقولي أيه
    بـتـكمل المنظومه ولا بتعمل أيه
    وجرايد المعارضه بِتكشِف الباشا والبيه
    بتكشفهم لمين؟ دي الناس قدامها تايه حتبص وراها ليه



    حروب ودايره بره وبره زي جوه
    حروب هدفها أيه ...سلطه ونفوذ وقوه
    طائفيه...أهليه..سياسيه...والله هو هو
    بتضحكوا على مين!! ..روح إختشي يافتوه
    ده العقل ربي خلقه يفهمها وهي طايره
    وياريتها كانت طايره دي مفقوسه وبايره

    مصيبتي إني عرفت إنهم فاكرينا مصدقين
    إن دي حرب إرهاب وحمايه لفلسطين
    مع إنها إباده واضحه لكل اللي عنده دين
    وإحساسي بيقولي إنهم عارفين
    إننا فاهمين.. وضعاف وسذج احنا عشان كده ساكتين
    هربتوا مِنَا إِحنَا.... طيب ويوم الدين!!!

    في بِلادنَا أب وأم مكويين بنار مصاريف
    ولادهم عايشين بس يادوب برغيف
    فيهم كتار أمي والمتعلم علام خفيف
    نفسهم في أوضه مدهونه دهان نضيف
    وفيها نسمة هوا والله مش تكييف
    أصلهم دلوقتي سبعه في عشه... بجد مش تزييف

    شبابنا حاير داير بين قناتين.... أفلام وأغاني
    الواطي فيها عالي وبيدندن بمعاني
    والشهره فيها سهله من غير حتى تفاني
    كليب أو أكاديمي وهووب يوم والتاني
    شبابنا حالته تكسف روح بص على القهاوي
    منين تقوله إشتغل وإتعب وإسهر ليالي
    وهو شايف غيره مأنتخ بس هاني

    وبناتنا شُغلتهم ميك اب ولِبس يرد الروح
    الباين منه أكتر وبالسر عمال يبوح
    كل مَادَا بِترخص وريحتها عاماله تفوح
    على قد حبيبها ماتدي...على قد مابيروح
    وحتيجي في يوم وتبكي وهي جواها جروح
    وتعرف أن قُربَها من دينها الصح.. مش الجنوح

    كتير شباب نِفسُه يغير بس نِديهُم أمل
    يحس إن الواسطه مش صح لأ ده العمل
    الواسطه تعين واحد بس الباقي يشتغل
    يشوف قدامه قدوه عشان يعمل زي ماعمل
    وبشرط تفضل قدوه مش تتهد زي الجبل
    أصلهم هَدوا كتير بالحق أو بالحِيَـل

    تعليم وبالمجان ودلوقتي بقى تعبان
    مستشفيات وصحه بفلوس إذا كان في مكان
    ثقافه ومثقفين...لو أتكلم أكيد يزل اللسان
    علوم وأبحاث ..ياتهج بره البلد ...ياتفوت علينا بكره أويمكن بعده كمان
    ورياضه وقولنا إِصرف بحساب ومش بجنان
    ويارب ديمها نعمه....نعمة النسيان
    وكل سنه وإٍنتم طيبين وحلوين وجدعان
    على فكره دي مش أُمي لوحدي...دي أُمك انت كمان------


    منقول
    avatar
    شيكو
    Admin

    ذكر عدد الرسائل : 114
    العمر : 34
    عارضة الطاقة :
    50 / 10050 / 100

    تاريخ التسجيل : 02/11/2008

    رد: أم الدنيا !!!!!!!!!!!!

    مُساهمة  شيكو في 05/11/08, 11:10 am

    مصر هى أمى

    شيكو

    مختار احمد

    ذكر عدد الرسائل : 5
    عارضة الطاقة :
    50 / 10050 / 100

    تاريخ التسجيل : 07/11/2008

    رد: أم الدنيا !!!!!!!!!!!!

    مُساهمة  مختار احمد في 07/11/08, 07:29 pm

    نأسف هذا هو الحال حاليا عظيمة يا مصر يا ارض اللوا
    avatar
    شيكو
    Admin

    ذكر عدد الرسائل : 114
    العمر : 34
    عارضة الطاقة :
    50 / 10050 / 100

    تاريخ التسجيل : 02/11/2008

    مختار

    مُساهمة  شيكو في 07/11/08, 11:21 pm

    أرض اللواء

    هههههههههههههههه

      الوقت/التاريخ الآن هو 24/09/17, 09:16 pm